Baş Məşqçi
“Kəpəz” klubu serbiyalı mütəxəssisə tapşırılır
“Kəpəz” klubunun baş məşqçi postuna gətirəcəyi isim artıq bəlli olub. Canlixeber.com xəbər verir ki, Gəncə təmsilçisi sükanı serbiyalı mütəxəssis Zoran Vasilyeviçə etibar etməyə hazırlaşır və tərəflər rəsmi müqavilənin imzalanmasına çox yaxındırlar. Hazırda Serbiyanın “IMT Belqrad” komandasının çalışdırıcısı olan mütəxəssislə “Kəpəz” rəhbərliyi arasında son günlərdə intensiv danışıqlar prosesi gedir. Məlumata görə, əməkdaşlığın əsas detalları artıq razılaşdırılıb […]
Azər Bağırov “Şamaxı”nın yeni baş məşqçisi oldu
“Şamaxı” futbol klubunun yeni baş məşqçisi müəyyənləşib. Canlixeber.com xəbər verir ki, klub rəhbərliyi aparılan danışıqlardan sonra Azər Bağırov ilə razılıq əldə edib. Tərəflər arasında 3 illik müqavilə imzalanıb. Qeyd edək ki, Azər Bağırov son olaraq “Kəpəz” komandasını çalışdırıb.
Bakı klubu büdcəni azaltdı, məşqçisi getdi
Ötən mövsüm 1-ci Liqadakı mübarizəni turnir cədvəlinin 4-cü pilləsində başa vuran “Baku Sportinq” komandada əsas söz sahibi olan məşqçi Röyal Nəcəfovla vidalaşıb. Canlixeber.com fanat.Az-a istinadla xəbər verir ki, rəhbərlik növbəti “futbol ili” üçün büdcəni azaltmaq qərarına gəlib. Bu səbəbdən Nəcəfov iddiasını itirən kollektivdə qalmamağı uyğun sayaraq postu ilə vidalaşıb. Buzovna təmsilçisinin 2026/2027 mövsümündə çempionluq uğrunda […]
Qurbanov “Qarabağ”la bağlı qərar verdi
Son vaxtlar adı Türkiyə, Rusiya və Avropanın müxtəlif komandaları ilə yanaşı çəkilən “Qarabağ”ın baş məşqçisi Qurban Qurbanov yeni müqavilə imzalayıb. Canlixeber.com xəbər verir ki, o, Ağdam təmsilçisi ilə 3 illik sözləşməyə imza atıb. Bildirilib ki, yeni anlaşmaya əsasən, Qurbanov 2029-cu ilin yayına qədər “Qarabağ”a rəhbərlik edəcək. Qeyd edək ki, bu barədə ilk məlumatı “Sportinfo.az” yayıb.
Azər Bağırov “Kəpəz”in baş məşqçisi vəzifəsindən ayrılıb
Azər Bağırov Kəpəzin baş məşqçisi vəzifəsindən ayrılıb“Kəpəz” futbol klubunun baş məşqçisi Azər Bağırov vəzifəsindən ayrılıb. Canlixeber.com xəbər verir ki, bu barədə Gəncə klubunun mətbuat xidmətindən bildirilib. Mütəxəssislə başa çatan müqavilə yenilənməyib. Qeyd edək ki, “Kəpəz” Misli Premyer Liqasında 2025/2026 mövsümünü 27 xalla 10-cu pillədə başa vurub.
“Karvan-Yevlax” baş məşqçisi ilə yollarını ayırdı
“Karvan-Yevlax” baş məşqçi Füzuli Məmmədovla yollarını ayırıb. Canlixeber.com xəbər verir ki, bu barədə bölgə təmsilçisinin mətbuat xidməti məlumat yayıb. 48 yaşlı mütəxəssisin klubla başa çatan müqaviləsinin müddəti artırılmayıb. Qeyd edək ki, Füzuli Məmmədov 2025-ci ilin noyabrında “Karvan-Yevlax”ın baş məşqçisi vəzifəsinə təyin olunmuşdu. Mövsümün yekunlarına əsasən 15 xal toplayan komanda Premyer Liqanı tərk edib.
“Araz-Naxçıvan” baş məşqçisi Andrey Demçenko ilə yollarını ayırdığını açıqlayıb
“Araz-Naxçıvan” baş məşqçisi Andrey Demçenko ilə yollarını ayırıb. Canlixeber.com xəbər verir ki, bu barədə Naxçıvan təmsilçisi məlumat yayıb. Ukraynalı mütəxəssisin müqaviləsinin müddəti başa çatıb.
“Sumqayıt” baş məşqçisi ilə yollarını ayırdı
“Sumqayıt”da baş məşqçi ayrılığı yaşanıb. Canlixeber.com xəbər verir ki, klub Saşa İliçlə vidalaşıb. “Gənclik şəhər” təmsilçisi serbiyalı mütəxəssislə başa çatan müqaviləni yeniləməyib. “Kimyaçılar” İliçə gələcək karyerasında uğurlar arzulayıb. Qeyd edək ki, “Sumqayıt” 2025/2026 mövsümünü 41 xalla turnir cədvəlinin 7-ci pilləsində başa vurub.