İdman
Dünya Qadın Seriyası: “Neftçi SOCAR” bu gün “Madrid”lə qarşılaşacaq
“Neftçi SOCAR” 3×3 basketbol komandası bu gün İspaniyanın Kaseres şəhərində start götürəcək Dünya Qadın Seriyasında mübarizəyə başlayacaq. Canlixeber.com xəbər verir ki, “ağ-qaralar” A qrupundakı ilk matçında İspaniya təmsilçisi “Madrid”lə üz-üzə gələcək. Qarşılaşma Bakı vaxtı ilə 22:05-da başlayacaq. Xatırladaq ki, indiyədək keçirilmiş 12 mərhələnin yekununa əsasən, “Neftçi SOCAR” (352 xal) ümumi komanda hesabında ikinci pillədə qərarlaşıb.
“Zirə” UEFA reytinqində Azərbaycanın əmsalını daha da artırıb
“Zirə” UEFA reytinqində Azərbaycanın əmsalını daha da artırıb. Canlixeber.com xəbər verir ki, bu, komandanın UEFA Konfrans Liqasının I təsnifat mərhələsinin ilk oyununda Gürcüstan təmsilçisi “Torpedo”nu məğlub etməsi (3:0) sayəsində mümkün olub. Bu qalibiyyət ölkəyə 0,250 əmsal qazandırıb. Daha əvvəl UEFA Çempionlar Liqasının I təsnifat mərhələsində TNS (Uels) klubunu Bakıda 2:0 hesabı ilə məğlub edən “Sabah” […]
“Qarabağ” Avropa Liqasında yeni mövsümə start verir
Bu gün UEFA Avropa Liqasının I təsnifat mərhələsində təmsilçimiz “Qarabağ” İslandiyanın “Vestri” komandası ilə qarşılaşacaq. Canlixeber.com xəbər verir ki, Tofiq Bəhramov adına Respublika stadionunda keçiriləcək matç saat 20:00-da başlayacaq. Qarşılaşmanı moldovalı hakimlər briqadası idarə edəcək. Görüşün baş hakimi Roman Jitari olacaq. Ona Vlad Lifçiu və Vadim Vikol kömək edəcəklər. Andrey Brequta dördüncü hakim funksiyasını yerinə […]
Sabir Zeynalov Cənubi Koreyada gümüş medal qazandı
Azərbaycan parataekvondoçusu Sabir Zeynalov Cənubi Koreyanın Çxunçxon şəhərində keçirilən Açıq Çelenc Turnirində gümüş medal qazanıb. Canlixeber.com xəbər verir ki, o, finalda türkiyəli Ali Can Özcana uduzub. O, 1/8 finalda rusiyalı Timur Baitimirov, 1/4 finalda monqolustanlı Tyemirbyek Khaulyet, yarımfinalda isə özbəkistanlı Fayoz Valijonovu məğlub edib. Qeyd edək ki, turnir Los-Anceles-2028 Yay Paralimpiya Oyunlarına reytinq xalları qazandırır.
Azərbaycanın 4 klubu avrokuboklarda mübarizə aparacaq
2026/2027-ci illər mövsümündə Azərbaycanın 4 voleybol klubu avrokuboklarda mübarizə aparacaq. Canlixeber.com xəbər verir ki, yeni mövsümdə ölkəmizi Avropa arenasında 2 qadın və 2 kişi komandası təmsil edəcək. Son ölkə çempionları “Turan” və “Xilasedici” CEV Çempionlar Liqasında çıxış edəcəklər. Çempionatın gümüş mükafatçıları “DH Volley” və “ORDU” isə CEV Çelenc Kubokunda qüvvəsini sınayacaq. Qeyd edək ki, avrokubokların […]
“İmişli” Bəxtiyar Həsənalızadəni heyətinə qatıb
“İmişli” daha bir futbolçu transferini açıqlayıb. Canlixeber.com xəbər verir ki, Bəxtiyar Həsənalızadə heyətə cəlb olunub. 29 yaşlı mərkəz müdafiəçisi ilə 1 illik müqavilə imzalanıb. Karyerası ərzində “Sumqayıt”, “Zirə”, “Sabah” və Türkiyənin “Tuzlaspor” klublarında çıxış edən oyunçu son olaraq “Araz-Naxçıvan”ın formasını geyinib.
“İmişli” “Kəpəz”dən ayrılan Fərid Nəbiyevi heyətinə qatdı
“İmişli” yeni futbolçu transferini açıqlayıb. Canlixeber.com xəbər verir ki, bu barədə klub məlumat yayıb. Bölgə təmsilçisi 26 yaşlı yarımmüdafiəçi Fərid Nəbiyevlə birillik müqavilə imzalayıb. Oyunçu karyerası ərzində “Slaviya” (Praqa), “Viktoriya” (Jijkov), “Kəpəz”, “Turan Tovuz” və “Səbail” klublarının formasını geyinib. O, son olaraq “Kəpəz”in uğurları üçün mübarizə aparıb.
UEFA Konfrans Liqası: “Zirə” “Torpedo Kutaisi”ni qəbul edir
Bu gün UEFA Konfrans Liqasının 1-ci təsnifat mərhələsində “Zirə” – “Torpedo Kutaisi” (Gürcüstan) oyunu keçiriləcək. Canlixeber.com xəbər verir ki, Sumqayıt şəhər stadionunda keçiriləcək qarşılaşma saat 20:00-da başlayacaq. Cavab matçı isə iyulun 16-da Kutaisidəki Ramaz Şengeliya stadionunda oynanılacaq. Görüş Bakı vaxtı ilə saat 20:00-da start götürəcək.
“Sabah” “Qarabağ”dan ayrılan Amin Ramazanovu heyətinə qatdığını açıqlayıb
“Sabah” heyətinə yeni futbolçu qatıb. Canlixeber.com xəbər verir ki, bu barədə Bakı klubu məlumat yayıb. Qapıçı Amin Ramazanov bundan sonra Masazır təmsilçisinin uğurları üçün çalışacaq. 23 yaşlı qolkiperlə 2 illik müqavilə bağlanıb. Rusiyanın “Lokomotiv” (Moskva) klubunun yetirməsi olan oyunçu karyerası ərzində “Qarabağ” və “Zaqatala”da çıxış edib.
“Kəpəz” Luis Paçu ilə vidalaşıb
“Kəpəz” futbolçu Luis Paçu ilə yollarını ayırıb. Canlixeber.com xəbər verir ki, bu barədə Gəncə təmsilçisi məlumat yayıb. 30 yaşlı hücumçu ilə müqaviləyə qarşılıqlı razılıq əsasında xitam verilib. Xatırladaq ki, Luis Paçu ötən mövsüm “Kəpəz”də 29 oyun keçirib və 5 qola imza atıb.