Biləsuvarda 26 yaşlı şəxs öldürüldü: Xalası oğlu tutuldu

Biləsuvar rayonunda qətl hadisəsi olub.

Canlixeber.com xəbər verir ki, hadisə rayonun Nəsimikənd kəndində qeydə alınıb.

Belə ki, kənd sakini 2000-ci il təvəllüdlü Milan Loğman oğlu Soltanlı bıçaqlanıb.

O, aldığı ağır xəsarətlərdən xəstəxanaya aparılarkən yolda ölüb.

Əməli törətməkdə şübhəli bilinən 2004-cü il təvəllüdlü İlkin Mehtiyev polis əməkdaşları tərəfindən saxlanılaraq istintaqa təhvil verilib.

Onun öldürülən şəxsin xalası oğlu olduğu bildirilir.