Zaqatalada kişi meyiti aşkarlandı: Ərazidə ov tüfəngi tapıldı

Zaqatalada güllə yarası almış kişi meyiti tapılıb.

Canlixeber.com xəbər verir ki, hadisə səhər saatlarında rayonun Danaçı kəndində baş verib.

Kənd sakini 77 yaşlı İbrahim Əhməd oğlu Babayevin üzərində odlu silahdan açılan atəş nəticəsində aldığı ağır xəsarətlər olan meyiti yaxınları tərəfindən aşkarlanıb.

Hadisə yerindən maddi sübut kimi ov tüfəngi götürülüb.

Faktla bağlı Zaqatala Rayon Prokurorluğunda araşdırma aparılır.