Xaricdən Azərbaycana gələn yük maşını qəzaya uğradı: Xəsarət alanlar var

Bakı-Qazax yolunda yol-nəqliyyat hadisəsi baş verib.

Canlixeber.com xəbər verir ki, Baş Dövlət Yol Polisi İdarəsindən verilən məlumata görə, hadisə bu gecə saat iki radələrində yolun 63-cü kilometrliyində qeydə alınıb.

Xarici ölkəyə məxsus UC-50560-CC nömrə nişanlı “Volvo” markalı yük avtomobili (TIR) eyni istiqamətdə hərəkətdə olan 77-SB-434 dövlət nömrə nişanlı MAN markalı yük avtomobili ilə toqquşub. Hadisə nəticəsində iki nəfər xəsarət alıb.

Faktla bağlı araşdırma aparılır.