Ukraynada həlak olan Azərbaycan vətəndaşının nəşi ölkəyə gətiriləcək

“Sentyabrın 27-də saat 22:00-da Kiyev şəhərinə dron hücumu nəticəsində 1978-ci il təvəllüdlü Azərbaycan vətəndaşı Abbas Abbasov həlak olub”.

Canlixeber.com barədə Xarici İşlər Nazirliyinin (XİN) Mətbuat xidməti idarəsinin rəisi Ayxan Hacızadə məlumat verib.

O bildirib ki, həlak olan Azərbaycan vətəndaşının nəşinin ölkəmizə gətirilməsi istiqamətində Azərbaycanın Ukraynadakı səfirliyi tərəfindən müvafiq konsulluq yardımı göstərilir.

“Mərhumun ailəsinə və yaxınlarına dərin hüznlə başsağlığı veririk. Allah rəhmət eləsin!”, – deyə A.Hacızadə bildirib.

Xatırladaq ki, Ukraynanın paytaxtı Kiyev yaxınlığında yerləşən “Stolıçnı” kənd təsərrüfatı bazarı Rusiya ordusunun dron hücumuna məruz qalıb. Hücum nəticəsində Azərbaycan vətəndaşı, Kürdəmir rayon sakini, 1978-ci il təvəllüdlü Abbas Abbasov həlak olub. O, bazarda ticarətlə məşğul olub.

Hücum zamanı daha bir neçə Azərbaycan vətəndaşı yaralandığı qeyd olunur.