Şəkidə VAZ aşdı: Xəsarət alanlar var

Şəki rayonunda yol-nəqliyyat hadisəsi baş verib.

Canlixeber.com xəbər verir ki, hadisə ötən gecə saat 01 radələrində rayonun Cəyirli kəndi ərazisində qeydə alınıb.

Sürücü idarə etdiyi VAZ-2107 markalı avtomobilə nəzarəti itirib və maşın yolun kənarına aşıb.

Hadisə nəticəsində Oğuz rayon sakinləri- 37 yaşlı Nurlan Elman oğlu Həsrətov, 37 yaşlı Musa Arzu oğlu Mirzəyev və 36 yaşlı Rahim Yaqub oğlu Salamov xəsarət alıblar.

Yaralılar xəstəxanaya yerləşdiriliblər.

Faktla bağlı araşdırma aparılır.