Bakıda güclü külək onlarla ağacı aşırıb 

Bakıda ötən gündən müşahidə olunan güclü külək nəticəsində 40 ağac aşıb.

Canlixeber.com Oxu.Az-a istinadla xəbər verir ki, bu barədə Bakı Şəhər Yaşıllaşdırma Təsərrüfatı Birliyindən məlumat verilib.

Bildirilib ki, güclü küləklə əlaqədar qurumun qaynar xəttinə ümumilikdə 104 müraciət daxil olub.

“Dünən axşamdan davam edən güclü külək nəticəsində 40 ağac aşıb, 64 ağacın budaqları qırılıb. 39 ağac ərazilərdən təmizlənib, sınan budaqlar götürülüb. Dəyişkən hava şəraiti ilə əlaqədar Bakı Şəhər Yaşıllaşdırma Təsərrüfatı Birliyinin əməkdaşları gücləndirilmiş iş rejimində çalışırlar”, – deyə məlumatda vurğulanıb.