Azərbaycan atıcısı Avropa Kubokunda qızıl medal qazanıb

Azərbaycan atıcılıq millisinin üzvü Ruslan Lunev Estoniyanın Männiku şəhərində keçirilən “Lapua” Avropa Kubokunda növbəti möhtəşəm uğura imza atıb.

Camlixeber.com xəbər verir ki, bu barədə Azərbaycan Atıcılıq Federasiyası (AAF) məlumat yayıb.

Qeyd olunub ki, atıcımız 25 metr mərkəzi atəş açma növü üzrə keçirilən yarışda yüksək nəticə göstərərək qızıl medal qazanıb.

Ruslan Lunev təsnifat mərhələsində 583 xal toplayaraq bütün rəqiblərini geridə qoyub, birinci yeri tutub və Azərbaycan bayrağını fəxri kürsünün ən yüksək pilləsində dalğalandırıb.