“Şəfa” qambiyalı futbolçu Maudu Lamine Jarjuenin transferini açıqlayıb

“Şəfa” klubu növbəti transferini reallaşdırıb.

Canlixeber.com xəbər verir ki, bu barədə klub məlumat yayıb. müdafiəçi Maudu Lamine Jarjue ilə 2 illik müqavilə imzalanıb.

28 yaşlı qambiyalı futbolçu ikinci dəfə Azərbaycanda çıxış edəcək. O, daha əvvəl “Səbail”in formasını geyinib.

Jarjue peşəkar futbolçu karyerasına Portuqaliyanın “Jil Visente” klubunda başlayıb.

Eyni zamanda Avstriyanın “Austria” (Vyana), İsveçin “Elfsborq”, Slovakiyanın “Slovan” (Bratislava), Norveçin “Sandefyord” və Şimali Makedoniyanın “Struqa” komandalarında çıxış edib.

Maudo Lamine Jarjue Qambiya millisinin də üzvü olub və 2 matçda meydana çıxıb.