Bakıda 8 yaşlı qız 5-ci mərtəbədən yıxıldı, vəziyyəti ağırdır

Bakıda azyaşlı binadan yıxılıb.

Canlixeber.com xəbər verir ki, hadisə Yasamal rayonunda qeydə alınıb.

Belə ki, 2018-ci il təvəllüdlü M.Mərdiyeva yaşadığı binanın 5-ci mərtəbəsində yerləşən mənzilin eyvanından yıxılıb.

Nəticədə azyaşlı ağır xəsarətlər alıb. O, təcili olaraq Kliniki Tibbi Mərkəzə çatdırılıb.

Həkimlərin verdiyi məlumata görə, uşağın vəziyyəti ağır qiymətləndirilir.

Faktla bağlı araşdırma aparılır.