Misli Premyer Liqası: “Qarabağ” “Qəbələ” səfərinə yollanır

Bu gün Misli Premyer Liqasının X turu çərçivəsində daha iki qarşılaşma keçiriləcək.

Canlixeber.com xəbər verir ki, günün ilk qarşılaşmasında “Araz-Naxçıvan” “Zirə”ni qəbul edəcək. Şamaxı şəhər stadionunda baş tutacaq matç saat 15:00-da start götürəcək.

Turun digər görüşündə “Qəbələ” doğma meydanda “Qarabağ”la üz-üzə gələcək. Qəbələ şəhər stadionunda keçiriləcək qarşılaşma saat 17:30-da başlayacaq.

Misli Premyer Liqası

X tur

31 oktyabr

15:00. “Araz-Naxçıvan” – “Zirə”;

17:30. “Qəbələ” – “Qarabağ”.