Nərə və qızılbalıq istehsalçılarına şad xəbər: Subsidiya veriləcək

“2027-ci il yanvarın 1-dən balıqçılıq və akvakultura sahəsinə də subsidiyaların və güzəştlərin verilməsinə başlanılacaq”.

Canlixeber.com xəbər verir ki, bunu kənd təsərrüfatı naziri Məcnun Məmmədov jurnalistlərə açıqlamasında deyib.

Onun sözlərinə görə, akvakultura və balıqçılıqda istifadə olunan avadanlıq və texnologiyaların dövlət dəstəyi ilə güzəştli şərtlərlə əldə edilməsi, eləcə də müxtəlif balıq növləri üzrə məhsul subsidiyalarının verilməsi nəzərdə tutulur:

“Qeyd edək ki, 2027-ci il yanvarın 1-dən ilk dəfə olaraq Azərbaycanda qızılbalıq və nərəkimilər fəsiləsinə aid balıqların hər tonuna görə 2 000 manat, çəkikimilər və naxakimilər fəsiləsinə aid balıqların hər tonuna görə isə 600 manat məhsul subsidiyasının verilməsi tətbiq olunacaq. Ümid edirik ki, qeyd olunan addımlar Azərbaycanda peşəkar akvakultura təsərrüfatının sayının və istehsal həcminin artmasına, bu sahənin genişlənməsinə töhfə verəcək”.